Менскі абласны суд разгледзіць справу Юліі Краўцовай. Яна абвінавачваецца ў садзейнічанні экстрэмісцкай дзейнасці.
«Справу жанчыны пачнуць разглядаць 3 верасня ў Менскім абласным судзе. Працэс будзе весці суддзя Аляксандр Рыбакоў», – паведаміў ПЦ «Вясна». Краўцова ўжо больш за паўгода знаходзіцца ў СІЗА №8. Яна была затрымана і арыштавана 23 студзеня 2024 года падчас масавага рэйду сілавікоў на тых, хто дапамагае палітвязням.
