За суткі з 22 па 23 снежня на тэрыторыю Беларусі заляцела не менш за 14 расейскіх дронаў-камікадзэ тыпу “Шахед”, паведамляе маніторынгавая група “Беларускі Гаюн”.
Першы беспілотнік заляцеў у 18:55, ён рухаўся на Лоеў. Апошні заход зафіксаваны ў 2:38. Мінімум тры «Шахеды» заляцелі з Бранскай вобласці Расеі праз пасёлак Галое, курсам на Церахоўку/Гомель. Акрамя таго, ноччу “Шахеды” заходзілі ўглыб краіны ў напрамках Мазыра і Хойнікаў.
У паветра ўздымалася дзяжурная авіяцыя ваенна-паветраных сіл Беларусі.
