Падчас пратэстаў у Грузіі некалькі дзён таму спецназам у Тбілісі быў затрыманы наш суайчыннік, беларус Яўген Муравіцкі.
Што з ім адбывалася, Яўген расказаў нашаму Радыё:
-Затрымліваў мяне спецназ, пасадзілі ў аўтазак. Білі, але сур’ёзных траўмаў, на шчасце, не было. У параўнанні з іншымі людзьмі – гэта дробязі. Прывезлі ў пастарунак паліцыі, склалі пратакол. І мне ставілі ў віну абразу супрацоўнікаў расейскім матам.
Пасля двух сутак утрымання ў ІЧУ у горадзе Сігнахі Яўгена выпусцілі:
-Супрацоўнікі не гаварылі па-расейску, а ў мяне веданне грузінскай мовы мінімальнае. Таму некаторыя пытанні не раскрыліся, але меркавалася, што мяне могуць пакінуць у Тбілісі. Але ў выніку мяне забраў мой сябар, у якога была машына.
На 11-ю раніцы 3 снежня 2024 году Яўгена выклікаюць у Тбілісі ва Упраўленне па міграцыі. Яўген думае, што яму можа пагражаць так званая «добраахвотная дэпартацыя» і яго праз 72 гадзіны папросяць пакінуць Грузію.
Беларусы, што жывуць у Грузіі, арганізавалі збор данатаў на адваката, каб паспрабаваць дапамагчы Яўгену Муравіцкаму.
Рэквізіты для дапамогі :
TBC
GE18TB7982745068100026
Muravitski Yauheni
Беларускае Радыё Рацыя
