Беларускі рок-музыка Піт Паўлаў запусціў ініцыятыву “IT-Solidarity”. У ёй артыст збірае камп’ютар з ахвяраваных дэталяў.
Распавядае музыка:
– Я пачаў збіраць сабе кампутар, моцны кампутар з хламу, з рынку сэканд-хэнд дэталяў. Таму што мой ноўтбук проста не цягне некаторыя мае музычыня праекты, і я зараз пачаў мантаваць вялікія відэапректы з вялікай колькасцю плагінаў. Я вырашыў памацней сабе кампутар зрабіць. Мне здаецца, гэта можа быць карысна не для айцішнікаў, якія і так усё гэта ведаюць, а для звычайных людзей, якія сутыкаюцца з праблемамі: што ёсць кампутар, трэба перасесці за больш моцны, а няма грошай.
Цалкам матэрыял:
Піт Паўлаў адзначае, што першы камп’ютар у большай ступені ўжо сабраны. І цяпер музыка вырашае, каму яго падорыць. Сярод прэтэндэнтаў – дзіця з сям’і беларускіх уцекачоў, культурны альбо адукацыйны цэнтр, а таксама малады творца ці праграміст. Адпаведнае галасаванне ладзіцца ў тэлеграм-канале Піта Паўлава.
Беларускае Радыё Рацыя
