У Берасцейскай вобласці вырасла колькасць палітвязняў. Да спісу дададзеныя Вячыслаў Наўцэня і Данііл Палянскі.
Пра палітвязня Вячаслава Наўцэня вядома, што ён быў асуджаны за каментары ў інтэрнэце, а таксама за акцыі пратэсту ў жніўні 2020 у Пінску. Прысуд – 3 гады калоніі і штраф. На дадзены момант перабывае ў СІЗА№7 Берасця.
Палітвязень Данііл Палянскі асуджаны па арт. 356 КК — Здрада дзяржаве. Ён быў затрыманы на пачатку верасня, калі ездзіў у Расею да сваякоў. Па дарозе затрымалі супрацоўнікі ФСБ і звінавацілі ў адміністрацыйным парушэнні, аднак пасля была заведзеная крымінальная палітычна матываваная справа. Мужчына знаходзіцца ў СІЗА№1.
Беларускае Радыё Рацыя
