789 – столькі па стану на сёння, 10 сакавіка, медыя ці старонак у сацыяльных сетках у Берасцейскай вобласці прызнана экстрэмісцкімі.
За тыдзень лічба павялічылася на тры крыніцы інфамарцыі. Рашэнні належаць суддзям Баранавіцкага і Івацэвіцкага раёнаў, – адзначыла праваабаронца праваабарончага цэнтру “Вясна” спадарыня Ганна:
– Баранавіцкі суд у нас любіць знаходзіць нейкія ўкраінскія тэлеграм-каналы, асабліва вайсковыя, і іх прызнаваць экстрэмісцкімі матэрыяламі. І яшчэ суды выносяць свае вердыкты пра нешта такое беларускае, знаходзяць нейкі асабісты профіль чалавека.
Так судом Баранавіцкага раёна да экстрэмісцкіх былі дададзеныя суполкі “Адзіны кандыдат 2020” у сацыяльнай сетцы “Одноклассники” і ўкраінскі тэлеграм-канал “KRKN_FPV_COMPANY”. Суд Івацэвіцкага раёна палічыў экстрэмісцкім профіль у цікток “Sapraudny Liwin”.
Беларускае Радыё Рацыя
