На Берасцейшчыне чарговы раз папоўніўся спіс экстрэмісцкіх матэрыялаў. Толькі за бягучы тыдзень туды дадалі пяць крыніц інфармацыі.
Праз абнаўленне спісу так званых экстрэмісцкіх матэрыялаў трапіла суполка ў тэлеграм “Беседы беларуской революции”, дзе налічваецца 555 удзельнікаў, суполка ў фэйсбук “За Свой Город Пружаны”, дзе толькі 42 удзельнікі і акаўнт у Фэйсбук з крыху больш чым 900 сяброў пад назвай “Бап Да Волi”. Рашэнні выносілі такія суддзі як Кацярына Клеўжыц і Вадзім Мазоль.
Да таго ж у спісы апынуліся тэлеграм-бот “Народный Репортер бот” і суполка ў сацыяльнай сетцы ўкантакце “НАРОДНЫЙ РЕПОРТЕР”, якая налічвае 1600 сябраў. Суддзя — Мікалай Каляда.
Беларускае Радыё Рацыя
