207 – столькі палітвязняў станам на 22 лютага налічваецца ў Берасцейскай вобласці. Гэта пятая частка ад усіх палітзняволеных у краіне.
За апошні тыдзень да спісу было дададзена 2 асобы, – кажа праваабаронца праваабарончага цэнтру “Вясна” спадарыня Ганна:
– Гэта або справа «Гаюна», або нешта падобнае. Па такім артыкуле могуць судзіць і за тое, што людзі звярталіся да журналістаў незалежных медыяў, або, напрыклад, да праваабаронцаў «Вясны», таму што «Вясна» таксама экстрэмісцкае фармаванне. Але, сыходзячы з практыкі, і з таго факту, што да ўладаў патрапіў спіс людзей, якія звярталіся ў бот «Гаюна», то прызнаюць палітвязнямі, у тым ліку з Берасцейскай вобласці, перадусім людзей па справе «Гаюна».
З апошніх да спісу палітвязняў на Берасцейшчыне былі дадзеныя жыхар Баранавічаў Павел Вахлакаў і жыхар Ганцавічаў Сяргей Лагвіновіч. Яны былі асуджаныя па артыкуле “Садзейнічанне экстрымісцкай дзейнасці”.
Беларускае Радыё Рацыя
