Рэпрэсіі не зменшыліся на пачатак 2025 года ў Берасцейскай вобласці. І так будзе як мінімум да канца так званай прэзідэнцкай кампаніі. Аднак пакуль што цяжка прагназаваць, ці спынецца адразу ж судовы канвеер, ці ўсё яшчэ будуць заводзіцца крымінальныя палітычна матываваныя справы за пратэсты 2020 года, – распавяла праваабаронца Праваабарончага цэнтра “Вясна” спадарыня Ганна:
– З рэпрэсіямі, на жаль, усё як і было ў другой палове 2024 года, то бок шмат судоў адміністрацыйных і не менш судоў крымінальных. За гэты час у Берасці чарговую групу пачалі судзіць. У Бярозе адну жанчыну пачалі судзіць. І яшчэ адну групу пачнуць судзіць у Баранавічах.
Разам з тым, агульная колькасць палітвязняў у Берасцейскай вобласці складае каля 260 чалавек, штомесяц прыкладна з дзясятак асобаў прызнаецца новымі палітвязнямі і фактычна столькі ж выходзіць на волю ў сувязі з цалкам адбытым тэрмінам пакарання.
Цалкам матэрыял:
Беларускае Радыё Рацыя
