Лукашэнка памілаваў яшчэ 31 чалавека, асуджанага паводле так званых «экстрэмісцкіх» артыкулаў.
Паводле прапагандысцкі рэсурс «БелТА»:
Памілаваныя дзве жанчыны і 29 мужчын. 17 маюць хранічныя захворванні, трое з’яўляюцца інвалідамі, дзеці ёсць у 27-мі асуджаных, з іх сямёра — шматдзетныя. Яны выйдуць на волю, але пры гэтым судзімасць з іх не знімуць. Міністэрства ўнутраных спраў будзе наглядаць за іх паводзінамі на волі.
Тым часам стала вядома пра масавыя затрыманні ў Слоніме і Смаргоні на Гарадзеншчыне, а таксама ў Гомелі і Глыбокім, што на Віцебшчыне.
Беларускае Радыё Рацыя
