На гэтым тыдні па ўсёй Беларусі паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак) будуць судзіць як мінімум 33 чалавекі. Усіх абвінавачваюць ва ўдзеле ў паслявыбарчых акцыях пратэсту ў 2020 годзе. Паралельна працягваюцца затрыманні.
Лідарамі па пераследу застаюцца Менск і Берасцейшчына. Так, 4 верасня ў судзе Берасцейскага раёна будуць судзіць адразу 11 чалавек, на наступны дзень у судзе Бярозаўскага раёна пачнецца працэс над чатырма мясцовымі жыхарамі.
Паводле інфармацыі “Вясны”, агулам з 2020 года паводле арт. 342 Крымінальнага кодэкса асудзілі мінімум 2 579 чалавек.
