На Віцебшчыне затрымалі двух каталіцкіх святароў — Анджэя Юхневіча і Паўла Лемеха. Падставы затрымання пакуль невядомыя, піша “Хрысціянская візія”.
Затрыманне адбылося ў сераду, 8 траўня, пасля сустрэчы ў Шуміліне.
Анджэй Юхневіч з’яўляецца старшынёй каардынацыйнай групы настаяцеляў і прадстаўнікоў манаскіх супольнасцяў Беларусі. Гэта касцёльны орган, які займаецца супрацоўніцтвам паміж манаскімі ордэнамі.
