Накладзены арышт на дом Марыі Булавінскай – рэжысёра, журналісткі, адной са стваральнікаў і аўтараў рэгіянальнага сайта і сацыяльных сетак “Флагшток”, якія прызнаныя ўладамі “экстрэмісцкім фармаваннем”.

Дом размешчаны ў вёсцы Рогі-Ілецкі Гомельскага раёна, паведамляе “Флагшток”.
“Арышт накладзены па рашэнні Следчага камітэта. Ніякай прычыны або крымінальнага артыкула, праз які арыштавалі маёмасць, мне не паведамілі”, – сказала журналістка.
Журналістка з восені 2020 года не жыве ў Беларусі.
Пра ператрус яна даведалася ад мясцовых жыхароў. “Ніякіх прыкмет, што гэта быў афіцыйны ператрус, няма. Людзі кажуць, што з дому нешта выносілі. Што менавіта, невядома”, — пракаментавала Булавінская.
У 2021 годзе ператрусы праходзілі па месцы яе рэгістрацыі ў кватэры ў Гомелі, а таксама ў маці і сястры.
Беларускае Радыё Рацыя
Фота: “Флагшток”