На волю выйшаў палітзняволены журналіст Генадзь Мажэйка, паведамляе Праваабарончы цэнтр «Вясна».
Акалічнасці вызвалення не называюцца, аднак, як піша «Позірк», ён, хутчэй за ўсё, цалкам адбыў тэрмін пакарання. Сёлета ў сакавіку Менскі гарадскі суд прыгаварыў Мажэйку да трох гадоў пазбаўлення волі ў калоніі ва ўмовах агульнага рэжыму.
Журналіста прызналі вінаватым паводле артыкулаў “распальванне расавай, нацыянальнай, рэлігійнай або іншай сацыяльнай варожасці або варажнечы” і “абраза прэзідэнта”. Таксама Мажэйка быў ўключаны ў спіс «асоб, якія маюць дачыненне да тэрарыстычнай дзейнасці».
Паводле матэрыялаў справы, пасля падзеяў 2020 году журналіст нібыта апублікаваў у інтэрнэце «нэгатыўныя, непрыстойныя, недапушчалныя» каментарыі на адрас Лукашэнкі.
Фота @bajmedia
