Як паведамілі сваякі палітвязня Змітра Дашкевіча, на яго завялі новую крымінальную справу па артыкуле 342 (Арганізацыя ці падрыхтоўка дзеянняў, якія груба парушаюць грамадскі парадак). Да завяршэння ягонага другога тэрміну заставалася 2 месяцы.
Зміцер адбывае зняволенне ў калоніі № 14 у Навасадах. Вядома, што ў СІЗА ў Жодзіне ён быў паўгода ў карцары.
Нагадаем, Зміцер павінен быў выйсці на волю з “папраўчай” калоніі № 14 па заканчэнні тэрміну 11 ліпеня 2023 году, але адразу па выхадзе яго затрымалі ў межах новай крымінальнай справы паводле арт. 411 Крымінальнага кодэксу («Злоснае непадпарадкаванне патрабаванням адміністрацыі калоніі»). Суддзя Тацяна Дзеравянка прызначыла Змітру яшчэ год калоніі ва ўмовах строгага рэжыму.
Беларускае Радыё Рацыя
