Сёлета традыцыйныя для Вялікага посту набажэнствы Крыжовага шляху католікам дазволілі правесці па вуліцах гарадоў толькі ў адным рэгіёне Беларусі — Гарадзенскай вобласці. Там працэнт каталіцкіх вернікаў найбольшы, піша Katolik.life.
Фота: Katolik.life
У мінулую пятніцу католікі праводзілі Крыжовы шлях у цэнтры Смаргоні і Дзятлава, у суботу — па вуліцах Гародні, у нядзелю — у цэнтры Вялікай Бераставіцы.
У Вялікую сераду, 16 красавіка гарадскія набажэнствы пройдуць па вуліцах Іўя і Наваградка. Таксама 16 красавіка агульнагарадскі Крыжовы шлях запланаваны ў Менску, але ён адбудзецца ў двары храму — касцёлу на Залатой Горцы.
