У сусветны дзень Валанцёра, які адзначаецца 5 снежня, арганізатар акцый беларусаў Варшавы Васіль Плешкуноў выказвае падзяку ўсім валанцёрам.
Якім чынам ім дапамагаюць валанцёры распавядае Васіль Плешкуноў:
– Па рознаму, хтосьці, напрыклад, робіць нам абвесткі, хтосьці робіць нам нашы афішы, хтосьці проста дапамагае, каб данесці нашу апаратуру. Тут таксама трэба прыкласці моц. Таксама ў нас заўсёды ёсць скарбонка, куды людзі кідаюць грошы.
Па словах Васіля Плешкунова, у Беларусі ён сам таксама стараўся дапамагаць чым мог:
– Да валанцёрскага руху дачынення не меў, але ж калі патрэбна была якая дапамога і ў мяне пыталіся, я дапамагаў заўсёды. На акцыі, якія праходзілі ў Магілёве, я даваў матэрыялы для стварэння транспарантаў, і гэта мы ўсё выкарыстоўвалі. То бок рабіў усё, што патрэбна было зрабіць для нашай барацьбы.
Васіль упэўнены, што ў беларусаў валанцёрскі рух быў спрадвеку і называўся ён «Талака».
Беларускае Радыё Рацыя
