Ужо сёння, 6 жніўня, у судзе Ленінскага раёна горада Берасця адбудзецца разгляд справаў у дачыненні да трох жыхароў Берасцейскай вобласці па крымінальнай палітычна матываванай справе.
Суд адбудзецца ў дачыненні да Алега Літвінчука, Аляўціны Гудковай, Матвея Аверчука і Леаніда Аверчука:
– Усе гэтыя асобы праходзяць па справе аб так званых масавых беспарадках, якія адбыліся пасля прэзідэнцкіх выбараў у абласным цэнтры ў 2020 годзе.
Да суда Алег Літвінчук, Матвей Аверчук і Леанід Аверчук утрымліваюцца ў СІЗА№7 горада Берасця. Дакладнае знаходжанне Аляўціны Гудковай праваабаронцам невядомае.
Адметна тое, што з Матвеем Аверчуком і Леанідам Аверчуком былі запісаныя пакаяльныя відыё, дзе яны кажуць, што 10 жніўня 2020 года знаходзіліся на акцыях пратэсту ў Берасці.
Аліса Поль, Беларускае Радыё Рацыя
