Ён, як і яго жонка Паліна Палавінка, былі ў групе вызваленых 3 ліпеня. Лукша доўгі час быў вядучым крымінальных навінаў «Зона Х». Яго арыштавалі 11 сакавіка 2022 года і прысудзілі 4 гады зняволення за ўдзел у пратэстах, а таксама за здымку сюжэтаў для казахстанскага канала — змест ролікаў палічылі дыскрэдытацыяй Беларусі.
Лукша адбываў пакаранне ў шклоўскай калоніі, да канца тэрміну Дзмітрыю заставалася 1 год і 2 месяцы.
Раней праваабаронцы паведамлялі, што 3 ліпеня 2024 года выйшла на свабоду яго жонка Паліна Палавінка. Яе арыштавалі на некалькі месяцаў пазней за мужа і прысудзілі 2 гады і 6 месяцаў зняволення. Паліна вызвалілася па памілаванні на два тыдні раней за свой тэрмін.
