У Падляшскім ваяводстве было падпісана важнае пагадненне аб партнёрстве для рэалізацыі праекта «Ахова і аднаўленне біялагічнай і ландшафтнай разнастайнасці і экасістэмных функцый».
Праект, накіраваны на абарону ўнікальных прыродных рэсурсаў рэгіёну, быў падпісаны маршалкам Падляшскага ваяводства і дырэктарам Сувальскага ландшафтнага парку. Пра гэта паведаміў маршалак Лукаш Пракорым:
– Так, 85% сродкаў — гэта грошы з еўрапейскіх фондаў для нашай рэгіянальнай праграмы. Гэта паказвае, што еўрапейскія фонды не толькі змяняюць нашы дарогі, нашу інфраструктуру, нашы гарады, але і клапоцяцца пра тое, што вельмі каштоўна, а менавіта пра ахову нашай прыгожай тэрыторыі. З’явіцца шмат дзеянняў, якія будуць накіраваны на ахову прыроды.
Дырэктар Сувальскага ландшафтнага парку Тэрэза Сверубска падкрэсліла важнасць праекта:
– Сувальскі пейзажны парк, які вядомы перш за ўсё сваім прыгожым, разнастайным ландшафтам, асяроддзямі, багаццем прыродных рэсурсаў. Мы хацелі зрабіць акцэнт на актыўнай ахове, звязанай з аховай асяроддзяў, з аховай відаў, стварэннем, у тым ліку, банка генаў. Гэты будынак млына над Чарнай Ханчай, дзе мы будзем збіраць насенне найбольш каштоўных відаў раслін.
У рамках праекта плануецца стварэнне генетычнага банка раслін і грыбоў, а таксама развіццё Парку біяразнастайнасці на тэрыторыі Беластоцкага ўніверсітэта і ўзмоцненая ахова прыродных аб’ектаў на тэрыторыі Сувальскага ландшафтнага парку. Агульны бюджэт праграмы складае 53 млн злотых, з якіх 85% будзе пакрыта сродкамі Еўрапейскіх фондаў.
Беларускае Радыё Рацыя
