13 снежня ў Гомельскім абласным судзе была разгледжаная апеляцыйная скарга палітзняволенай Паліны Шарэнды-Панасюк.
Рашэнне Рэчыцкага раённага суда засталося без змяненняў, а скарга без задавальнення, кажа муж Паліны Андрэй Шарэнда:
-Нейкіх нечаканасцяў, на жаль, не здарылася. Ранейшы прысуд пакінулі ў сіле. Гэта значыць толькі адно, што на працягу некалькіх дзён Паліна будзе этапавана ў сумнавядомую калонію № 24 – гэта Зарэчча. І яе чакае чарговы год зняволення, чарговы год пакутаў і здзекаў.
Нагадаем, што Паліну асудзілі ўжо трэці раз па артыкуле 411 Крымінальнага кодэкса – злоснае непадпарадкаванне адміністрацыі калоніі. Паліна Шарэнда-Панасюк за кратамі рэжыма знаходзіцца з 3 студзеня 2021 года.
Беларускае Радыё Рацыя
