Палітвязня Уладзіміра Гундара ў чарговы раз пазбавілі кароткатэрміновага спаткання нібы за правіннасць.
Праўда, за якую правіннасць не папярэдзілі, сам Гундар таксама не ведае, як стала нам вядома з колаў, блізкіх да сям´і:
– У яго ўжо зноў было нейкае правапарушэнне, з-за якога яго пазбавілі кароткатэрміновага спаткання, якое павінна быць яшчэ толькі ў верасні, але наперад яго ўжо пазбавілі. Ён сам не ведае за што. Нават нічога не тлумачылі, проста сказалі, што пазбавілі і ўсё. І нават не ведае на які тэрмін.
Нагадаем, што палітвязень, інвалід 2 групы (адсутнасць нагі) Уладзімір Гундар праходзіў па справе Аўтуховіча. Асуджаны на 20 гадоў калоніі ва ўмовах узмоцненага рэжыму. Віны сваёй не прызнае.
Беларускае Радыё Рацыя
