Былы супрацоўнік Веткаўскага музея стараабрадніцтва і беларускіх традыцый імя Шклярава, экскурсавод Аляксандр Нікіцін быў асуджаны да пазбаўлення волі па абвінавачванні ва ўдзеле ў мірных сходах.
Ён быў асуджаны яшчэ ў верасні ў судзе Чыгуначнага раёна Гомеля паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Cправу разглядаў суддзя Кузянёк Дзяніс Аляксандравіч. Дакладны тэрмін, які прысудзілі Нікіціну, невядомы.
Аляксандра называлі «легендай Веткаўскага музея», «любімым экскурсаводам». Ён захапляўся краязнаўствам яшчэ з юнацтва, любіў бываць у экспедыцыях і збіраць старадаўнія рэчы. Некаторыя нават выкупляў за ўласныя грошы.
вясна
