Палітзняволеную Вікторыю Кульшу трэці раз будуць судзіць за “злоснае непадпарадкаванне адміністрацыі калоніі”.
Як вынікае з судовага раскладу на сайце Вярхоўнага суда, судзіць Вікторыю пачнуць 28 кастрычніка ў судзе Рэчыцкага раёна.
Жанчыну трэці раз абвінавачваюць паводле ч. 1 арт. 411 Крымінальнага кодэкса (злоснае непадпарадкаванне законным патрабаванням адміністрацыі калоніі).
Справу будзе разглядаць суддзя Станіслаў Іванюценка, які 15 кастрычніка па гэтым жа артыкуле дадаў год калоніі палітзняволенай Паліне Шарэндзе-Панасюк.
Крыніца: “Вясна”
