Пра смерць Сяргея Кныша (мянушка “Боршч”) з былога гурта «Бонда» паведамілі яго сябры ў фэйсбуку. Калектыў праіснаваў з 1980 па 1989 год.
Пасля распаду «Бонды» Кныш выступаў з іншым беларускім рок-гуртом – ULIS.
Мянушка «Боршч» прычапілася да Сяргея Кныша са студэнцкіх часоў, калі ён вельмі любіў есці гэтую страву ў сталоўцы. Вучыўся Кныш у Беларускім дзяржаўным тэатральна-мастацкім інстытуце. У яго была жонка і дачка.
Акалічнасці смерці рок-музыканта невядомыя.
