Памёр экс-палітвязень Дзяніс Сакалоўскі. Пра яго смерць паведаміла 22 лютага былая зняволеная Ксенія Луцкіна. “Выдатны аператар, выдатны чалавек. Былы палітычны вязень, які ніколі ніколі нікому не скардзіўся”, — напісала яна на сваёй старонцы ў “Фэйсбуку”.
Згодна са звесткамі Беларускай асацыяцыі журналістаў (БАЖ), пасля вызвалення ўлетку 2021 года Сакалоўскі з’ехаў у Нямеччыну. Мужчына, як адзначае БАЖ, памёр у суботу, 21 лютага.
Дзяніс Сакалоўскі — былы аператар тэлеканала “Беларусь 1”. Быў затрыманы 22 снежня 2020 года па “справе “Прэс-клуба Беларусь” за “ўхіленне ад выплаты падаткаў”. Вызвалены 23 жніўня 2021-га “на падставе памілавання”.
