8-га лютага памёр біскуп Казімір Велікаселец. Пра гэта паведамляе «Katolik.life» са спасылкай на вернікаў.
Казімір Велікаселец шмат гадоў служыў Генеральным вікарыем Пінскай дыяцэзіі. Паводле вернікаў, раніцай 8-га лютага ён яшчэ адпраўляў нядзельную святую Імшу ў Гомелі, дзе жыў апошнія гады пры касцёле. Затым яму стала блага, іерарха даставілі ў рэанімацыю, але ў хуткім часе ён пайшоў з жыцця.
Біскупу Казіміру было 80 гадоў, ён быў найстарэйшым каталіцкіх біскупам Беларусі.
