Па дадзеных на вечар 22 лютага, папа Францішак у крытычным стане пасля працяглага астматычнага рэспіраторнага крызу. Пра гэта перадае Радыё Ватыкан.
Згодна з апошняй інфармацыяй Залы Друку Святога Пасада, медыцынскія аналізы паказалі нізкі ровень трамбацытаў, звязаны з анеміяй, што выклікала неабходнасць правядзення пералівання крыві. Нягледзячы на пагаршэнне самаадчування ў параўнанні з папярэднім днём, ён захоўвае прытомнасць і правёў дзень у крэсле.
Медыцынскі персанал шпіталя Джэмэлі працягвае пільна сачыць за станам здароўя Францішка. Сітуацыя застаецца сур’ёзнай, і Святы Айцец па-ранейшаму ў зоне рызыкі.
Нагадаем, папа Францішак пакутуе на хранічнае захворванне лёгкіх. Яго шпіталізавалі ў бальніцу Джэмелі 14 лютага.
Беларускае Радыё Рацыя
