Тэма палітвязняў, пераследу беларусаў на радзіме, і тых, якія з’ехалі за мяжу ды маюць актыўную грамадскую пазіцыю, сустрэчы з лідарамі дэмакратычнай супольнасці – такімі кірункамі дзейнасці цяпер багатае жыццё беларусаў у Швецыі, – распавёў прадстаўнік беларускай дыяспары Павал Галушка:
– Нас усіх хвалюе праблема палітзняволеных у Беларусі. Яны не проста знаходзяцца ў пякельных умовах, мы нават не ведаем, у якіх умовах і ці жывыя яны. Да нас прыязджала Святлана Ціханоўская, і на ўсіх сустрэчах яна уздымала гэтае пытанне. Усе афіцыйныя структуры Швецыі ведаюць пра гэтую праблему.
Я думаю, што шведскія палітыкі больш за ўсіх у Еўразвязе ведаюць пра стан рэчаў у Беларусі і ва Украіне. Яны не “льюць ваду”, а гавораць пра гэта з розных пляцовак, па тэлебачанні, у газетах.
Павал Галушка дадаў, што цяпер адная з важных задач для беларусаў Швецыі – гэта данясенне інфамарцыі да мясцовых чыноўнікаў пра тое, што адбываецца ў дзяржаве Беларусь пасля 2020 года і якія могуць быць наступствы.
Цалкам гутарка:
Беларускае Радыё Рацыя
