Перад выбарамі былым палітвязням выносяць “афіцыйныя папярэджанні”.
Як паведамляе “Еўрарадыё”, вядома пра выклікі ў міліцыю людзей, якія стаяць на крымінальна-выхаваўчым уліку, як тых, хто ўжо адбыў тэрміны, так і тых, хто цяпер на “хіміі”.
У дакуменце, які прымушаюць падпісаць палітвязняў і былых палітвязняў, папярэджваюць пра забарону на “гвалтоўную змену канстытуцыйнага строю, захоп або ўтрыманне дзяржаўнай улады неканстытуцыйным шляхам”.
