Пералік «экстрэмісцкіх фармаванняў», які вядзе Міністэрства ўнутраных спраў, папоўніўся адразу чатырма ініцыятывамі.
КДБ прызнаў «экстрэмісцкім фармаваннем» «Асацыяцыю Палітвязняў Беларусі». Яно вызначаецца як “група грамадзян з ліку стваральнікаў, адміністратараў і іншых удзельнікаў ініцыятывы “Асацыяцыя Палітвязняў Беларусі”. Рашэнне было прынята 12 жніўня. У сувязі з асацыяцыяй у пераліку згадваюцца: Іна Шырокая, Дзмітрый Максімчык, Аляксандр Храпкоў, Аляксандр Ленько.
У пералік дададзены акаўнты асацыяцыі ў Facebook і YouTube.
Таксама КДБ прызнаў «экстрэмісцкім фармаваннем» «групу грамадзян з ліку стваральнікаў, адміністратараў і іншых удзельнікаў фонду «Свабода і дэмакратыя». У пералік унесены Лілія Любаневіч і Мацей Кшыштаф Данцэвіч, сайт wid.org.pl, электронная пошта і Facebook фонду.
Яшчэ адным «экстрэмісцкім фармаваннем» па рашэнні КДБ прызнаны «Міхалова чат». Гаворка ідзе аб аднайменным чаце ў Telegram.
Беларускае Радыё Рацыя
