Грамадскае аб’яднанне “Рух” зладзіла ў Варшаве пікет за пакаранне аднаго з экс-начальнікаў бабруйскай калоніі Дзмітрыя Шынвізэ. Акцыя адбылася каля амбасады Германіі ў Польшчы. Падчас акцыі з прамовамі выступілі актывісты, а таксама была прэзентаваная петыцыя.
Пра важнасць сустрэчы распавяла прадстаўніца “Руху” Амалія Вітажэнец:
-Мэта – гэта прыцягненне карніка да адказнасці. Каб чалавек, які здзейсніў злачынства, адказаў за яго і адказаў па законе. Пытанне ў тым, што пры афармленні дакументаў на пашпарт Нямеччыны, чалавек схлусіў у анкеце і ўказаў, што не датычны да злачынстваў на Радзіме. Таму ён мусіць быць прыцягнуты да адказнасці. І адказаць не толькі за тое, што ён зрабіў супраць беларускага народа, але і перад нямецкім заканадаўствам.
З прамовамі на акцыі выступілі экс-палітвязень, прадстаўнік Беларускай Асацыяцыі Палітвязняў “Да Волі” Алег Кулеша, грамадскія актывісты Сяржук Кедышка і Васіль Плешкуноў.
Цалкам матэрыял:
Беларускае Радыё Рацыя
