Пяць былых сілавікоў прасілі сваіх калег не быць залішне жорсткімі. Цяпер ім пагражаюць велізарныя тэрміны. Імёны былых сілавікоў з Жодзіна Дзмітрыя Удовіна, Андрэя Дарошкі, Вячаслава Ільіча, Ігара Кісляка і Віталя Папроцкага з’явіліся ў раскладзе судоў.
12 жніўня 2020 года яны запісалі зварот да сілавікоў. Афіцэры звярталіся да былых калегаў і заклікалі іх зрабіць правільны выбар, «апомніцца і задумацца». «Выконваючы тыя загады, якія аддаюць вашы начальнікі, вы можаце аказацца саўдзельнікамі злачынстваў. Нельга збіваць людзей, якія проста вяртаюцца дадому з начной змены ці з працы», – адзначалася сярод іншага ў звароце.
Суд над пяццю былымі сілавікамі пачнецца 13 студзеня ў Менскім абласным судзе. Іх судзяць па двух артыкулах: «нанясенне шкоды нацыянальнай бяспецы Беларусі» і «распальванне варожасці». Ім пагражае ад 5 да 12 гадоў калоніі.
Беларускае Радыё Рацыя
