Былая палітзняволеная звярнулася па дапамогу, каб устаць на ногі і забяспечыць сябе, працягваць жыць на новым месцы і знайсці працу.
Экс-выкладчыцу менскага лінгвістычнага ўніверсітэта Наталлю Дуліну датэрмінова вызвалілі ў канцы чэрвеня. Разам з Сяргеем Ціханоўскім і іншымі палітвязнямі яе вывезлі ў Літву.
“Мне маральна вельмі цяжка, таму што мяне пазбавілі дома, пазбавілі нейкага статусу. Я вызваленая, але ў мяне няма дакументаў, якія могуць гэта пацвердзіць», – адзначыла Наталля.
З прычыны адсутнасці дакументаў, яна не можа атрымліваць пенсію.
Фонд BySol вырашыў пакуль не закрываць збор.
Беларускае Радыё Рацыя
