Валанцёрскі цэнтр «Сустрэча», што месціцца ў Кіеве, прапануе ўсім беларусам далучыцца да акцыі віншавання беларускіх добраахвотнікаў, якія зараз бароняць Украіну на фронце.
Кажа валанцёрка Алена Жаркевіч:
– Я б хацела прапанаваць беларусам далучыцца да маленькага віншавання нашых добраахвотнікаў, якія сёння змагаюцца за гонар беларусаў ва Украіне і за ўкраінскую зямлю. У нас ёсць магчымасць перадаць ім слодычы або пэўныя сувеніры, падарункі. Таму што ідзе свята, і наша падтрымка ім вельмі неабходна.
На мінулых выходных у Хабе «Новая зямля» ў Беластоку падпсвалі паштоўкі і лісты ваярам Палка Каліноўскага. Не позна далучыцца да акцыі і цяпер. У Беластоку віншаванні і слодычы для беларускіх добраахвотнікаў можна пакінуць непасрэдна ў Хабе. У Вільні – у прасторы «Замак», у Варшаве – у Музеі Вольнай Беларусі.
Беларускае Радыё Рацыя
