Працягваецца калядны збор фонду BYSOL для дзяцей палітвязняў. Паводле сайта фонду, дапамогу ўжо атрымалі 134 дзіцяці з 266.
На гэты момант сабрана 16 тысяч еўра з неабходных 27 тысяч 400 еўра. Плануецца, што кожнае дзіця ва ўзросце да 16 гадоў атрымае па 100 еўра.
У BYSOL адзначаюць, што мэта акцыі — падтрымаць сем’і палітвязняў і даць дзецям знак увагі і надзеі. Выплаты будуць ажыццяўляцца ў парадку паступлення заявак да вычарпання сабраных сродкаў.
