Зняць візавыя абмежаванні для беларусаў у Чэхіі – ліст з адпаведным зместам з просьбай да мясцовых палітыкаў напісалі прадстаўнікі беларускай дыяспары.
Зварот накіраваны ад імя амаль ўсіх беларускіх суполак Чэхіі, – распавёў прадстаўнік арганізацыі Беларускае студэнцтва Чэшскай Рэспублікі Аляксандр Паршанкоў:
-Гэтая праблема мае свае карані ў пачатку вайны паўнамаштабнай, якую вядзе Расея супраць Украіны. Калі пачалася вайна, то беларусы патрапілі ў Чэхіі пад санкцыі. Быў прыняты адмысловы закон, і мы, грамадзяне Беларусі, апынуліся ў такім становішчы, што не маем магчымасці, напрыклад, запрашаць сваіх сваякоў.
Аляксандр Паршанкоў падагульніў, што нягледзячы на візавыя абмежаванні для беларусаў, падчас правядзення акцый салідарнасці з беларускімі палітвязнямі заўважная падтрымка простых чэхаў.
Цалкам гутарка ў далучаным файле:
Беларускае Радыё Рацыя.
