Праект «Хуткая гуманітарная дапамога» запусціў збор на летнія вакацыі для дзяцей палітвязняў. Акцыя прымеркаваная да Міжнароднага дня абароны правоў дзяцей, які адзначаецца 1 чэрвеня.
Арганізатары плануюць сабраць 20 тысяч еўра. Грошы пойдуць на экскурсіі, падарожжы і дзіцячыя летнікі, адукацыйныя гурткі, спартовыя секцыі, амуніцыю для гульняў і матэрыялы для творчасці. На кожнае дзіця да 16 гадоў будзе выплачаная дапамога ў памеры 100 еўра. Заяўкі будуць прымацца да 19 траўня ўключна.
«Хуткая гуманітарная дапамога» складаецца з некалькіх ініцыятыў: BySol, ByHelp, «Краіна для жыцця», Dissidentby, Association of Belarusians in America і «Асацыяцыі беларускага бізнесу за мяжой». Арганізатары папярэджваюць, што рабіць ахвяраванні з картак беларускіх банкаў і праз PayPal небяспечна.
Беларускае Радыё Рацыя
