Павел Латушка атрымаў адказ ад польскай пракуратуры па справе знікнення спікеркі Каардынацыйнай рады Анжалікі Мельнікавай.
Пра гэта палітык распавёў у эфіры тэлеканала “Белсат”. Пасля знікнення сваёй паплечніцы Латушка неаднаразова звяртаўся па інфармацыю аб ходзе следства ў Нацыянальную пракуратуру Польшчы. Паводле афіцыйнага адказу, следства працягваецца, але пракуратура не можа агучыць падрабязнасці або вынікі, паколькі гэта можа нашкодзіць расследаванню.
Паводле Латушкі, на дадзены момант месцазнаходжанне Анжалікі Мельнікавай не вызначана, і праваахоўныя органы пакуль не вылучылі прыярытэтнай версіі падзеяў.
