Праваабаронцы даведаліся імёны некаторых вязняў, якіх адпусцілі на волю ў Беларусі. За апошні дзень мінімум 7 палітзняволеных выйшлі з турмаў.
Праваабаронцы падтрымліваюць інфармацыйную цішыню для бяспекі вязняў, таму пакуль не публікуюць прозвішчы вызваленых.
16 жніўня Лукашэнка падпісаў Указ пра памілаванне 30 палітзняволеных, сярод якіх 14 жанчын і 16 мужчын, а некаторыя з іх маюць сур’ёзныя захворванні.
Вядома, што палітвязняў прымушаюць пісаць прашэнне пра памілаванне, караюць за адмову.
Праўладны палітолаг Юры Васкрасенскі, які раней уваходзіў у каманду Віктара Бабарыкі, называў лічбу ў 900 прашэнняў пра памілаванне.
