Беларускія праваабаронцы прызналі яшчэ 10 чалавек палітычнымі зняволенымі. У спіс увайшлі Ганна Кміт, Андрэй Селянінов, Еўгеній Мікалаевіч, Дзмітрый Лях, Дзмітрый Чарнухо, Аляксандр Крупнікаў, Дзмітрый Глушчанка, Сяргей Чэкель, Уладзімір Апановіч і Арцём Пуценіч. Усе яны былі асуджаныя паводле артыкула аб групавых дзеяннях, якія нібыта груба парушаюць грамадскі парадак.
Праваабарончы цэнтр “Вясна” заяўляе, што абвінавачанні супраць гэтых людзей з’яўляюцца палітычна матываванымі. Па словах праваабаронцаў, яны рэалізоўвалі сваё права на мірныя сходы і свабоду выказвання меркаванняў у сувязі з пратэстамі супраць вынікаў выбараў.
Беларускае Радыё Рацыя
