Новае даследаванне Chatham House прадэманстравала, што за 15 гадоў прыхільнікаў незалежнасці Беларусі стала больш. Беларусам было прапанавана выказаць сваё стаўленне да сцвярджэнняў, якія тычацца знешнепалітычных арыенціраў краіны.
77% пагадзіліся з тым, што Беларусь павінна быць незалежнай. Яшчэ 18% не маюць уцямнага адказу. І толькі 5% не згодныя з тэзісам пра незалежнасць дзяржавы. За нейтралітэт, а таксама за сяброўства як з Расеяй, так і з Украінай выказаліся па 58%. Сяброўства Беларусі ў ЕЗ падтрымаў кожны чацвёрты. Прычым, такая ж колькасць прыхільнікаў агульнай з Расеяй саюзнай дзяржавы. У даследаванні адзначаецца, што атрыманыя вынікі не вельмі адрозніваюцца ад вынікаў апытання, праведзенага ў 2009 годзе.
