15 снежня ў Гомельскім абласным судзе адбыўся разгляд апеляцыйнай скаргі палітзняволенай Паліны Шарэнды-Панасюк. Калегія пад старшынствам суддзі Дзмітрыя Казлова пакінула прысуд у сіле.
Кажа муж Паліны Андрэй Шарэнда:
-Гэта азначае толькі адно, што год зняволення ў Паліны застаўся. І ўжо бліжэйшымі днямі Паліна будзе этапавана ў сумнавядомую Рэчыцкую калонію №24, так званае Зарэчча.
Нагадаем, што Паліна Шарэнда-Панасюк была затрымана 3 студзеня 2021 года. Першапачатковае пакаранне: два гады пазбаўлення волі ў калоніі ва ўмовах агульнага рэжыму нібы за абразу міліцыянта і абразу Лукашэнкі. Двойчы гэты тэрмін быў падоўжаны па году нібыта за злоснае непадпарадкаванне адміністрацыі калоніі.
На фота: суддзя Дзмітрый Казлоў
Беларускае Радыё Рацыя
