Гарадзенскі абласны суд прызначыў дату завочнага працэсу па так званай спецвытворчасці па крымінальнай справе Юрыя Махнача, паведамляе Гарадзенская праваабарона. Яго абвінавачваюць паводле артыкулу 356, частка 1 Крымінальнага кодэксу РБ (Здрада дзяржаве). Пачатак працэсу прызначаны на 23 верасня, Махначу прапаноўваюць з’явіцца ў будынак абласнога суду на 10-ю гадзіну. Паводле згаданага артыкулу КК Махначу могуць прысудзіць ад 7 да 15 гадоў зняволення з штрафам ці без штрафу.
Юрый Махнач – гэта былы падпалкоўнік міліцыі Лідскага РАУС, камандзір роты ППС. У жніўні 2020 году ён публічна расказаў пра падрыхтоўку міліцыі да карных «зачыстак», збіванні затрыманых. Тады ж, 18 жніўня 2020 году, ён падаў у адстаўку са службы ў міліцыі. А пазней з-за небяспекі пераследу пакінуў Беларусь і выехаў у Польшчу.
Беларускае Радыё Рацыя
