Калі Крэмль і пойдзе на новую мабілізацыю, то дзейнічаць будзе напэўна вельмі асцярожна. І ў гэтым выпадку адным з рэсурсаў, які падпадзе пад «мабілізацыю», цалкам могуць стаць Узброеныя сілы Беларусі. Такім меркаваннем з выданнем Frankfurter Allgemeine Zeitung падзяліўся палітычны аглядальнік і гісторык Аляксандар Фрыдман.
Паводле яго ацэнкі, удалы момант для мабілізацыі расейскія ўлады ўжо прапусцілі: гэта доўгія месяцы, калі ва Украіну не паступала амерыканская вайсковая дапамога. Але тады ў Пуціна на парадку дня былі «выбары» і бударажыць насельніцтва мабілізацыяй было нязручна.
