Беларускі праваабаронца Раман Кісляк, які зараз жыве ў Грузіі, каментуе магчымую амністыю, пра якую некалькі дзён таму казаў у беларускіх СМІ старшыня Вярхоўнага суду Валянцін Сукала.
На думку праваабаронцы трэба вызваляць палітзняволеных рознымі сродкамі і метадамі:
– Зразумела, што трэба вызваляць усіх палітвязняў вязняў, людзей незаконна асуджаных. Я не ведаю ці быў гандаль у выпадкі з Наталляй. Магчыма гэта была камунікацыя па дыпламатычных каналах, а магчыма гандлю і не было.
Раман лічыць, што гандаль палітзняволенымі, нават грамадзянамі іншых дзяржаў, – немагчымы:
– Тое, што неабходна прымаць пэўныя меры для вызвалення, гэта несумненна. Іншае пытанне, што даюць наўзамен еўрапейскія дзяржавы, што Нямеччына дасць у замен. Гэта іншае пытанне, паглядзім, як будзе развівацца сітуацыя.
Рамана Кісляк апошнія тры гады жыве ў Грузіі, дзе актыўна займаецца грамадскай і праваабарончай дзейнасцю.
Беларускае Радыё Рацыя
