Праваабаронцы і актывісты Раман Кісляк і Марына Зялёная патрапілі ў доўгі спіс Прэміі беларускай праваабарончай супольнасці – 2025. Раман і Марына ўжо некалькі год жывуць у Грузіі і дапамагаюць там беларускім актывістам.
Чаму трэба дапамагаць беларусам у Грузіі, кажа Раман Кісляк:
-Тут жывуць беларусы, іх правы парушаюцца, працуюць праваабаронцы, журналісты, грамадскія арганізацыі. 12 тысяч беларусаў знаходзяцца ў Грузіі. У іх ёсць пэўныя праблемы і важна змагацца за іх правы, бараніць гэтыя правы на розных роўнях.
Кісляк лічыць, што у беларусаў Грузіі шмат розных праблем, якія патрабуюць дапамогі:
-Асноўная праблема – гэта магчымасць легалізацыі. Заканчваюцца пашпарты і магчымасць легалізацыі праз прашэнне на прытулак. Мы толькі ўваходзім у прамежкавую працэдуру – атрымліваем статус суіскальніка прытулку, і гэта дае часовую легалізацыю на год – два.
Па меркаванні Кісляка, у Грузіі зараз жыве больш за 10 тысяч беларусаў, якія пакінулі Беларусь пасля падзеяў 2020 году.
Цалкам гутарка:
Беларускае Радыё Рацыя
