Беларускі праваабаронца Раман Кісляк, які больш за 4 гады жыве ў Грузіі – цяпер чалавек без дакументаў.
Улады Грузіі адмовіліся выдаць беларускаму праваабаронцу Раману Кісляку даведку аб статусе просьбіта прытулку. Гэта закрывае шлях для атрымання новага часовага пасведчання асобы.
Сітуацыю каментуе Раман Кісляк:
-Мне не могуць выдаць пасведчанне просьбіта прытулка. Таксама не ведаю, ці распачата справа аб дэпартацыі. Гэта пакуль невядома. Я чалавек без статуса, без дакументаў
Па словах праваабаронцы, ён спрабуе дамагчыся атрымання дакументаў законным шляхам:
-Мне важна вызначыць, як гэта працуе, які статус. Гэта важна не толькі для мяне, гэта важна і для другіх беларусаў. Зразумець, на што разлічваць беларусам, якія просяць прытулку, а ім адмаўляюць, і яны трапляюць у такую сітуацыю. Я планую абскарджваць гэтую сітуацыю. Я таксама планую падаць скаргу ў Канстытуцыйны суд, бо гэта прававы прабел, які парушае мае правы.
Раман Кісляк пакінуў Беларусь летам 2021 года пасля ператрусу і заведзенай на яго крымінальнай справы і з таго часу жыў у грузінскім Батумі, дзе займаўся грамадскай дзейнасцю і ўваходзіў у склад арганізацыі «Беларуская дыяспара ў Аджарыі».
Цалкам гутарка:
Беларускае Радыё Рацыя
