У Варшаве раптоўна памёр папулярны блогер Мікіта Мелказёраў. Аўтару ютуб-канала «Жыццё-маліна» было толькі 37 гадоў.
Пра смерць блогера Мікіты Мелказёрава паведаміў яго сябар і блогер Аляксандр Івулін: «Сёння ноччу не стала майго сябра Мікіты Мелказёрава. Гэта не розыгрыш і не дурны прыкол. Гэта рэальнасць».
Для блізкіх адкрылі збор. Мікіта вядомы як вядучы ютуб-канала «Жыццё-маліна», дзе выходзяць інтэрв’ю з беларускімі палітыкамі і селебрыці. На канале 97 тысяч падпісчыкаў. Мікіта таксама вёў гістарычны падкаст «Загляне сонца», падкаст з Сашам Івуліным «Нешта будзе», дзе яны абмяркоўвалі жыццёвыя рэчы. Раней працаваў журналістам на «Анлайнеры» і «Трыбуне».
