Рэпрэсіі так і не спыніліся, нягледзячы на тое што ідзе працэс вызвалення палітвязняў. Так выглядае сітуацыя на Берасцейшчыне, як і па ўсёй Беларусі.
Заводзяцца новыя адміністрацыйныя і крымінальныя палітычна матываныя справы, — распавяла праваабаронца праваабарончага цэнтру “Вясна” спадаря Ганна:
– Не скажу, што гэта адметнасць менавіта апошняга месяцу, але увогуле апошняга часу, – гэта справа Гаюна, якая ўсё яшчэ працягваецца, як ва ўсёй краіне, так і па Берасцейскай вобласці. Людзей заключаюць пад варту да суда па гэтай справе. Гэта працягваецца. А таксама працягваюцца невялікія справы за каментары. Ва ўсякім разе, калі паглядзець пра прысуды, пра якія стала вядома, гэта тое, што чалавек недзе некалі ў інтэрнэце напісаў.
Праваабаронца дадала, што на бягучы момант колькасць палітвязняў у Берасцейскай вобласці — гэта крыху больш за 200 чалавек. Гэта найменшая лічба за апошнія месяцы.
Цалкам матэрыял:
Беларускае Радыё Рацыя
